قومی ٹیم کے سابق فاسٹ بولر جنید خان نے نوجوان فاسٹ بولر خرم شہزاد کی بولنگ میں خامی بتادی۔
سماجی رابطے کی ویب سائٹ ایکس (ٹوئٹر) پر جنید خان نے ویڈیو پیغام میں کہا کہ سارے یہی کہہ رہے ہیں کہ خرم شہزاد نے اچھی بولنگ کی اس میں کوئی شبہ نہیں ہے لیکن اس کا ’بائیو مکینک‘ صحیح نہیں ہے۔
جنید خان نے کہا کہ خرم شہزاد نے کہا کہ آپ لوگوں نے بھی دیکھا ہوگا کہ پہلی اننگ میں خرم 135 کی اسپیڈ سے بولنگ کررہے تھے جبکہ دوسری اننگ میں وہ 130 پر آگئے تھے۔
انہوں نے کہا کہ اگر وہ ایک آدھ ٹیسٹ اور کھیلا گا تو مجھے لگ رہا ہے کہ 125 اسپیڈ تو چھوڑ دیں وہ انجرڈ بھی ہوجائے گا۔
my views on khurram after 1st test. isiliye kahtay hai k Acha coach bannay kaliye grass roots py kam karna zaruri hai tah k apko patha ho k players ki weakness ko kis Tarah improve karna chahye. so sad for Khurram shehzad #PAKvsAUS pic.twitter.com/vymgV7Ro3F
— Junaid khan 83 (@JunaidkhanREAL) December 20, 2023
جنید خان نے ویڈیو شیئر کرتے ہوئے لکھا کہ ’اس لیے کہتے ہیں کہ اچھا کوچ بننے کے لیے گراس روٹ لیول پر کام کرنا ضروری ہے تاکہ آپ کو پتا ہو کہ کھلاڑی کی کمزوری کو کس طرح ٹھیک کرنا چاہیے۔
یہ پڑھیں: خرم شہزاد فٹنس مسائل سے دوچار
واضح رہے کہ آسٹریلیا کے خلاف پرتھ ٹیسٹ میں ڈیبیو کرنے والے فاسٹ بولر خرم شہزاد فٹنس مسائل سے دوچار ہوگئے، میلبرن ٹیسٹ میں ان کی شمولیت فٹنس سے مشروط ہوگی۔
خرم شہزاد نے آسٹریلیا کے خلاف ٹیسٹ میں پانچ وکٹیں حاصل کی تھیں۔
پرتھ ٹیسٹ کے دوران خرم شہزاد سائیڈ اسٹرین کا شکار ہوئے۔ ترجمان پاکستان کرکٹ ٹیم کے مطابق فاسٹ بولر کا ایم آر آئی اسکین کرایا گیا ہے ، رپورٹ کا جائزہ لینے کے بعد مزید تفصیلات سے آگاہ کیا جائے گا۔
