The news is by your side.

Advertisement

نوازشریف کے خلاف فیصلہ: جڑواں شہروں میں سیکیورٹی ہائی الرٹ

اسلام آباد : مسلم لیگ ن کے قائد نوازشریف کے خلاف العزیزیہ اسٹیل ملز اور فلیگ شپ ریفرنس کے فیصلےکے موقع پر جڑواں شہروں میں سیکیورٹی کے انتہائی سخت انتظامات کیے گئے ہیں۔

تفصیلات کے مطابق سابق وزیراعظم نوازشریف کے خلاف احتساب عدالت کے جج محمد ارشد ملک آج دونوں ریفرنسز پر فیصلہ سنائیں گے۔

کمرہ عدالت میں مسلم لیگ ن کے وکلا اور رہنماؤں سمیت 15 افراد کو داخلے کی اجازت ہوگی، کمرہ عدالت میں نوازشریف کو کلوز پروٹیکشن یونٹ سیکیورٹی فراہم کرے گا۔

احتساب عدالت کے اطراف پولیس کے ایک ہزار اہلکاروں کو تعینات کیا جائے گا، ہنگامی صورت حال سے نمٹنے کے لیے رینجرز بھی موجود رہے گی۔

پولیس حکام کا کہنا ہے کہ کسی بھی غیر متعلقہ شخص کو احتساب عدالت نہیں جانے دیا جائے گا جبکہ ضرورت پڑنے پر مزید پولیس فورس تعینات کی جائے گی۔

نوازشریف کے خلاف العزیزیہ اورفلیگ شپ ریفرنسز کا فیصلہ آج سنایا جائے گا


سابق وزیراعظم نوازشریف کے خلاف العزیزیہ اسٹیل ملزاور فلیگ شپ ریفرنسز کا فیصلہ آج صبح 9 سے 10 بجے کے درمیان سنایا جائے گا۔

نواز شریف کے خلاف کرپشن ریفرنسز پر فیصلہ محفوظ کرلیا گیا


یاد رہے کہ 19 دسمبر کو احتساب عدالت نے سابق وزیراعظم نوازشریف کے خلاف کرپشن ریفرنسز پر فیصلہ محفوظ کیا تھا۔

Comments

comments

یہ بھی پڑھیں