ترجمان جمعیت علمائےاسلام (ف) نے کہا ہے کہ اسمبلیوں کی خریدوفروخت کی بات پر پی پی کا سیخ پا ہونا سمجھ سے بالاتر ہے، کچے کے ڈاکوؤں کی بات ہو یا الیکشن میں خرید فروخت کی پی پی کو بُرا لگ جاتا ہے۔
ترجمان کے مطابق پیپلزپارٹی قیادت کی اچھل کود سے لگتا ہے کہ وہ بھی شریکِ جرم ہے فیصل کنڈی بلوچستان اور سندھ اسمبلی سے متعلق زرداری آپ کو بہتر بتا سکتےہیں، حیرانی ہےکہ پارٹی ترجمان اتنابےخبر ہے؟
ترجمان نے کہا کہ سندھ میں پی پی کے وزیر کچے کے ڈاکوؤں کو اسلحہ مہیا کرتے ہیں پیپلزپارٹی سندھ میں کچے کے ڈاکوؤں کی سہولت کار ہے پی پی قیادت مرکز میں ووٹ پر ڈاکہ ڈال کر اقتدار کے مزے لوٹ رہی ہے پی پی پی کی الیکشن میں جیت کچے کے پولنگ اسٹیشنوں کی مرہون منت ہے۔
ترجمان کا کہنا تھا کہ فیصل کنڈی پیپلز پارٹی کےکم اور تحریک انصاف کے ترجمان زیادہ بن چکے ہیں، گنڈا پور اور کنڈی کو مولانافضل الرحمان خوابوں میں نظر آتے ہیں، زرداری صاحب نوٹس لیں کنڈی ہماری تحریک کا رخ آپ کی طرف موڑنا چاہتے ہیں۔
