بالی ووڈ کے مسٹر پرفیکٹ کے بیٹے جنید خان کے بیٹے کی اداکارہ خوشی کپور کے ساتھ نئی رومانٹک فلم کی ریلیز کی تاریخ سامنے آگئی۔
مہینوں کی قیاس آرائیوں کے بعد بالآخر اس بات کی تصدیق ہو گئی ہے کہ اداکار جنید خان اور خوشی کپور پہلی بار ایک ساتھ اسکرین شیئر کریں گے، ٹیم ک جانب سے فلم کی ریلیز کی تاریخ کے ساتھ ایک پوسٹر شیئر کیا گیا ہے۔
جنید اور خوشی کی فلم کا نام تو اب تک میکرز کی جانب سے خفیہ رکھا گیا ہے تاہم حال ہی میں فینٹم اسٹوڈیوز اور اے جی ایس انٹرٹینمنٹ نے بتایا کہ فلم 7 فروری 2025 کو سینما گھروں میں نمائش کے لیے پیش کی جائے گی۔
View this post on Instagram
ادویت چندن کی ہدایت کاری میں بننے والی اس فلم کی کہانی ڈیجیٹل دور میں محبت کی پیچیدگیوں کے گرد گھومتی ہے، ادویت نے آخری بار اداکار عامر خان اور کرینہ کپور کی لال سنگھ چڈھا کی ہدایت کاری کی تھی، جو باکس آفس پر فلاپ ہوگئی تھی۔
واضح رہے کہ او ٹی ٹی پلیٹ فارم نیٹ فلکس سے اپنی فلموں ’مہاراج‘ اور ’دی آرچیز‘ میں ڈیبیو کرنے کے بعد ادویت چندن کی یہ فلم جنید خان اور خوشی کپور کی پہلی تھیٹر ریلیز ہوگی۔
