The news is by your side.

Advertisement

جنید صفدر کا نکاح، ہوٹل کے باہرمظاہرہ

لندن: مریم نواز کے بیٹے جنید صفدر کے نکاح کے موقع پر احتجاجی مظاہرہ کیا گیا ہے۔

نمائندہ خصوصی آے آر وائی نیوز فرید قریشی کے مطابق ہائیڈ پارک کارنر پر واقع لینز برو ہوٹل میں مریم نواز کے بیٹے جنید صفدر کے نکاح کی تقریبات جاری تھی کہ اس دوران مظاہرین کی بڑی تعداد ہوٹل کے سامنے پہنچی اور شریف خاندان کے خلاف مظاہرہ شروع کردیا۔

رپورٹ کے مطابق مظاہرین کا کہنا تھا کہ یہ لوگ ہمارے ملک کا سرمایہ لوٹ کر لائے ہیں، تقریب میں ملک کی لوٹی ہوئی دولت کا استعمال کیاجارہاہے۔

 تقریب میں موجود لیگی کارکنان نے سڑک پار مظاہرہ کرنے والے مظاہرین کو زودکوب کی، مشتعل لیگی کارکنان نے مظاہرے میں موجود خواتین سے بدتمیزی بھی کی، لیگی کارکنان کا کہنا تھا کہ نکاح کی تقریب میں کسی کو رنگ میں بھنگ نہیں ڈالنے دینگے۔

یہ بھی پڑھیں: سیف الرحمان کی بیٹی اورمریم نواز کے بیٹے کی شادی طے

دوسری جانب مریم نوازبیٹے جنید صفدرکےنکاح میں آن لائن شرکت کریں گی، اس سلسلے میں مریم نواز نے جاتی امرامیں تقریب کا انعقاد کیا ہے، جاتی امرا میں ہونے والی تقریب میں شہبازشریف کوبھی مدعوکیا گیا ہے۔

ذرائع کا کہنا ہے کہ تقریب میں مہرالنسا بھی جاتی امرامیں تقریب میں شرکت کیلئےپہنچیں گی اور اپنے اپنےبھائی کےنکاح میں آن لائن شرکت کریں گی، لندن میں تقریب کوآن لائن جاتی میں خاندان کےتمام افراد دیکھیں گے۔

Comments

یہ بھی پڑھیں