لندن: مطالبات کی عدم منظوری پر برطانیہ بھر میں جونئیر ڈاکٹرز نے ہڑتال کردی ہے جس کے باعث صحت کا نظام شدید متاثر ہوگیا ہے۔
غیر ملکی میڈیا رپورٹ کے مطابق جونئیرز ڈاکٹرز نے ابتدائی طور پر چار روزہ ہڑتال کا اعلان کیا ہے، ڈاکٹرز کی ہڑتال کے باعث تقریبا ساڑھے تین لاکھ آپریشن ومعائنے منسوخ ہوگئے ہیں۔
جونیئر ڈاکٹرز کی ہڑتال کےباعث سینئر ڈاکٹرز ، سرجنز اور کنسلٹنٹس کا کام بھی شدید متاثر ہوا ہے۔
برٹش میڈیکل ایسوسی ایشن نےتنخواہوں میں35فیصداضافےکامطالبہ کیا تھا جس پر عملدرآمد نہ ہونے کے باعث یہ اقدام اٹھایا گیا۔
واضح رہے کہ برطانیہ میں جونیئر ڈاکٹرز کی تعداد کُل ڈاکٹرز کی تعداد کا 40فیصد ہے جس کی وجہ سے طبی سہولتوں کی فراہمی بھی شدید متاثر ہوئی ہے۔
یاد رہے کہ برطانیہ میں معاشی بحران جاری ہے جس سے صحت، تعلیم اور نقل و حمل کا شعبہ سخت متاثر ہوا ہے۔
چند ماہ قبل لندن کے میٹرو کے کارکنوں اور ڈرائیوروں نے بھی ہڑتال کا اعلان کردیا تھا جس کے نتیجے میں میٹرو سروس بند کردی گئی تھی، میٹرو سروس کی بندش سے نقل و حمل کا نظام درہم برہم ہو کر رہ گیا تھا۔
