اسلام آباد: اسلام آباد ہائی کورٹ جسٹس میاں گل حسن اورنگزیب کا ڈینگی ٹیسٹ مثبت آگیا، ڈاکٹرز نے ان کو بیڈ ریسٹ کا مشورہ دیا ہے۔
تفصیلات کے مطابق اسلام آباد ہائیکورٹ کے جسٹس میاں گل حسن اورنگزیب ڈینگی بخار میں مبتلا ہوگئے، ذرائع نے کہا کہ ان کا گزشتہ روز ڈینگی ٹیسٹ مثبت آیا تھا اور ڈاکٹرز نے ان کو بیڈ ریسٹ کا مشورہ دیا ہے۔
اسلام آباد ہائی کورٹ کے جسٹس ڈینگی بخار کی وجہ سے آج اور کل چھٹی پر ہیں۔
- Advertisement -
خیال رہے وفاقی دارالحکومت اسلام آباد اور راولپنڈی میں ڈینگی کی وبا شدت اختیار کر گئی ہے، گزشتہ 24 گھنٹوں کے دوران مزید 111 افراد ڈینگی مچھر کے حملوں کا شکار ہوئے۔
محکمہ صحت کا کہنا تھا کہ رواں سیزن میں ڈینگی سے متاثرہ افراد کی مجموعی تعداد 2393 تک پہنچ گئی ، راولپنڈی کی مختلف ہسپتالوں میں ڈینگی وائرس سے متاثرہ 338 افراد زیر علاج ہیں۔
