سندھ کے نامزد گورنر جسٹس ریٹائرڈ سعید الزمان صدیقی کل عہدے کا حلف اٹھائیں گے -
The news is by your side.

Advertisement

سندھ کے نامزد گورنر جسٹس ریٹائرڈ سعید الزمان صدیقی کل عہدے کا حلف اٹھائیں گے

کراچی : سندھ کے نامزد گورنر جسٹس ریٹائرڈ سعید الزمان صدیقی کل عہدے کا حلف اٹھائیں گے، نامزد گورنر کے گھر پر پروٹوکول اور سیکیورٹی کا عملہ پہنچ گیا ہے۔

ترجمان گورنرہاوس کا کہنا ہے کہ سعیدالزمان صدیقی کل گورنر سندھ کے عہدے کا حلف اٹھائیں گے، چیف جسٹس سندھ ہائی کورٹ جسٹس سجادعلی شاہ نئے گورنر سے حلف لیں گے۔

حلف برداری کی تقریب رات دس بجے گورنرہاوس میں ہوگی، نئے گورنر کی نامزدگی کا اعلامیہ سامنے آتے ہی چیف سیکریٹری صدیق میمن نے سعیدالزمان صدیقی سے ملاقات کی اور پروٹوکول اور گاڑیاں انکے حوالے کیں۔

پولیس اہلکاروں نے نئے گورنر کی رہائشگاہ کی حفاظتی ذمہ داریاں بھی سنبھال لی ہیں جبکہ گورنرہاؤس کے عملے نے نئے مہمان کے استقبال کی تیاریاں مکمل کرلی ہیں۔

یاد رہے کہ گزشتہ روز گورنرسندھ ڈاکٹر عشرت العباد کو چودہ سال بعد عہدے سے ہٹادیا گیا اور سابق چیف جسٹس آف پاکستان سعیدالزماں صدیقی کو گورنر سندھ بنا دیا گیا تھا۔


مزید پڑھیں : جسٹس(ر) سعید الزماں‌ صدیقی گورنر سندھ تعینات


صدر پاکستان کی جانب سے نوٹیفکیشن جاری ہوا تو سعید الزمان صدیقی مسلم لیگی سینیٹر نہال ہاشمی کے ہمراہ گھر سے باہر آئے اور حامیوں کا شکریہ ادا کیا، گورنرہاؤس کے عملے نے نئے مہمان کے استقبال کی تیاریاں مکمل کرلی ہیں۔

گورنر سندھ کی تبدیلی کا فیصلہ اسلام آباد میں صدرِ مملکت ممنون حسین اور وزیراعظم نواز شریف کی ملاقات میں کیا گیا تھا، اطلاعات کے مطابق صدر مملکت ممنون حسین نے یہ تعیناتی وزیراعظم نواز شریف کی سفارش پر کی۔

Comments

comments

یہ بھی پڑھیں