اسلام آباد: صوبہ سندھ کے دارالحکومت کراچی کو بجلی کے تقسیم کار ادارے کے الیکٹرک نے 7 سالہ انویسٹمنٹ پلان نیپرا میں جمع کروا دیا جس کی سماعت 21 فروری کو ہوگی۔
تفصیلات کے مطابق کراچی کو بجلی کے تقسیم کار ادارے کے الیکٹرک نے آئندہ 7 سال کا انویسٹمنٹ پلان نیشنل الیکٹرک پاور ریگولیٹری اتھارٹی (نیپرا) میں جمع کروا دیا۔
مجوزہ منصوبے کے تحت کے الیکٹرک 7 سال میں 484 ارب روپے کی انویسٹمنٹ کرے گا، ترسیلی منصوبوں پر 280 ارب 91 کروڑ 50 لاکھ روپے انویسٹ ہوں گے۔
- Advertisement -
ڈسٹری بیوشن منصوبوں پر 184 ارب 65 کروڑ روپے اور دیگر منصوبوں پر 18 ارب 51 کروڑ 40 لاکھ روپے انویسٹ کیے جائیں گے۔
یہ انویسٹمنٹ 24-2023 سے 30-2029 کے دوران کی جائے گی، کے الیکٹرک کے انویسٹمنٹ پلان پر نیپرا 21 فروری کو سماعت کرے گا۔
