وفاق کا تین دن کے الیکٹرک کا دو دن لوڈ شیڈنگ نہ کرنے کا اعلان -
The news is by your side.

Advertisement

وفاق کا تین دن کے الیکٹرک کا دو دن لوڈ شیڈنگ نہ کرنے کا اعلان

کراچی : وفاق حکومت کی جانب سے عید الاضحی کی تعطیلات کے دوران تینوں‌ دن لوڈ شیڈنگ نہ کرنے کا اعلان کیا گیا ہے لیکن کے الیکٹرک نے شہر بھر میں‌ صرف دو دن لو‌شیڈنگ نہ کرنے کا عندیہ دیا ہے۔

اے آر وائی نیوز کے نمائندے انجم وہاب کے مطابق وفاقی حکومت نے عید کی تعطیلات پر صارفین کو سہولت دینے کے لیے تین دین تک لوڈ شیڈنگ نہ کرنے کا اعلان کیا تھا تاہم کے الیکٹرک انتظامیہ نے  تین کے بجائے صرف دو دن منگل اور بدھ لوڈ شیڈنگ نہ کرنے کا اعلان کیا ہے۔

کے الیکٹرک کے مطابق عید الاضحیٰ کے تینوں دن شہر بھر میں بجلی کی لوڈ شیڈنگ نہیں کی جائے گی تاہم کسی بھی فالٹ یا بجلی کی بندش سے فوری نمٹنے کے لیے کے الیکٹرک کا عملہ 24 گھنٹے ڈیوٹی پر موجود رہے گا۔

کے الیکٹرک کے مطابق عید کی تعطیلات کے دوران بجلی کی لوڈ شیڈنگ نہ کرنے کے انتظامات مکمل کر لیے ہیں اور کسی بھی فنی خرابی پر فوری قابو پانے کے لیے آن ڈیوٹی ملازمین کو خصوصی ہدایات بھی جاری کر دی ہیں لیکن شہریوں کو ہر بار کی طرح اس بار بھی دعووں پر اعتبار نہیں۔

قبل ازیں بھی کے الیکٹرک انتظامیہ کی جانب سے تعطیلات میں لوڈ شیڈنگ نہ کرنے کے اعلانات کیے جاتے رہے ہیں تاہم متعدد بار اعلانات کے باوجوود غیر اعلانیہ لوڈ شیڈنگ کردی جاتی ہے۔

Comments

comments

یہ بھی پڑھیں