کراچی: کے الیکٹرک نے بارشوں کے سبب صارفین کو سہولت فراہم کرنے کے لیے بجلی کے بل جمع کرانے کی حتمی تاریخ میں توسیع کر دی ہے۔
تفصیلات کے مطابق کے الیکٹرک کی جانب سے صارفین کی سہولت کے لیے بجلی کے بل جمع کرانے کی تاریخ میں توسیع کر دی گئی ہے۔
ترجمان کے الیکٹرک کا کہنا ہے کہ 7،6اگست کو واجب الادا بل10 اگست تک جمع کرائے جاسکتے ہیں، جس کے لیے تمام متعلقہ بینکوں کو بغیر اضافی سرچارج بل وصول کرنے کی ہدایت کر دی گئی ہے۔
کراچی: مون سون کا چوتھا اسپیل:3 روز کی بارش میں 18 افراد جاں بحق
واضح رہے کراچی میں مون سون کے چوتھے اسپیل میں تیسرے روز بھی بارش کا سلسلہ وقفے وقفے سے جاری ہے جس کے بعد مختلف علاقوں میں بجلی کی فراہمی معطل ہے۔
کراچی میں تین روز کی بارش کے دوران کرنٹ لگنے سمیت مختلف حادثات میں 5 بچوں سمیت 18 افراد جان کی بازی ہار گئے۔
دوسری جانب ترجمان کے الیکٹرک کا کہنا ہے کہ شہر میں کرنٹ لگنے کے واقعات گھروں کی اندرونی ناقص وائرنگ سے پیش آئے، کسی حادثے کا تعلق کے الیکٹرک کے انفرا اسٹرکچر سے نہیں ہے۔
