کراچی: بڑھتی ہوئے مہنگائی میں کراچی کے بجلی صارفین کے لئے ایک اور بری خبر، کے الیکٹرک صارفین کیلئے بجلی 51 پیسے مہنگی ہونے کا امکان ہے۔
تفصیلات کے مطابق کے الیکٹرک نے ماہانہ فیول ایڈجسٹمنٹ کی مد میں نیپرا میں درخواست دائر کردی ہے۔
نیشنل الیکٹرک پاور ریگولیٹری اتھارٹی (نیپرا)8 نومبر کو سماعت کے بعد فیصلہ کرے گا۔
ترجمان کے الیکٹرک کا اس حوالے سے کہنا ہے کہ یہ اضافہ حکومت کی جانب سے پورے ملک میں یکساں ٹیرف پالیسی کے تحت مانگا گیا ہے، اس حوالے سے وصولی کی مدت کا تعین نیپرا کی جانب سے اوراطلاق کا نوٹیفیکیشن حکومت کی جانب سے جاری کیا جائے گا۔
واضح رہے کہ اس سے قبل 25 اکتوبر کو نیشنل الیکٹرک پاور ریگولیٹری اتھارٹی نے کے الیکٹرک کے لیے بجلی 4 روپے 70 پیسے فی یونٹ سستی کی تھی۔
