کراچی : شہر قائد میں بجلی کی فراہمی کے ادارے کے الیکٹرک کی جانب سے بجلی چوروں اور کنڈا مافیا کےخلاف آپریشن بدستور جاری ہے۔
اس حوالے سے کے الیکٹرک کا کہنا ہے کہ بخاری کالونی بنارس میں کنڈا مافیا کے خلاف کامیاب کارروائی کی گئی جہاں سے کروڑوں روپے کی بجلی چوری پکڑی گئی۔
کےالیکٹرک کا ضلعی انتظامیہ اور قانون نافذ کرنے والے اداروں کے ساتھ مل کر بخاری کالونی بنارس میں کنڈا مافیا کے خلاف آپریشن کیا۔ یہ ملزمان تقریباً 12لاکھ یونٹس کی چوری میں ملوث تھے جبکہ ان کے خلاف ایف آئی آر کا اندراج کروادیا گیا ہے۔ pic.twitter.com/Rolc9RH7O3
— KE (@KElectricPk) September 29, 2023
ترجمان کے الیکٹرک کے مطابق بخاری کالونی میں بجلی چوری کے 350کلو کنڈے ہٹادیے گئے، بخاری کالونی میں1200زائد گھروں، دکانوں کو چوری کی بجلی فراہم کی جارہی تھی۔
کنڈا مافیا اس جگہ ماہانہ تقریباً 12لاکھ یونٹس کی چوری میں ملوث ہے، بخاری کالونی میں کنڈا مافیا کے خلاف ایف آئی آرکا اندراج کرادیا گیا ہے۔
دوسری جانب ترجمان کےالیکٹرک کی جانب سے جاری بیان میں کہا گیا ہے کہ کراچی کے علاقوں اپرگذری اور پی اینڈ ٹی کالونی کے نادہندگان پر 56کروڑ روپے سے زائد کے واجبات ہیں۔
کے الیکٹرک کے لوڈشیڈنگ شیڈول میں نمایاں تبدیلی نہیں کی گئی۔ 71فیصد نیٹورک بدستور لوڈشیڈنگ سے مستثنٰی ہے۔ لوڈشیڈنگ کا انحصار چوری اور عدم ادائیگی کی شرح پر ہوتا ہے۔ ان میں کمی کے ساتھ بجلی فراہمی میں بہتری ہوتی ہے۔ مزید معلومات کے لیے لنک پر کلک کریں: https://t.co/5N7AofBPkH https://t.co/6E7uGWgHWw pic.twitter.com/Bz3tpYehQY
— Imran Rana, Spokesperson, K-Electric (@imranrana21) October 1, 2023
شہر میں کی جانے والی لوڈشیڈنگ سے متعلق انہوں نے کہا کہ بجلی کی لوڈشیڈنگ کا دورانیہ اس علاقے میں بجلی چوری اور نقصانات کی شرح پر منحصر ہوتا ہے۔
ترجمان کےالیکٹرک نے کہا کہ وقت پر کی گئی ادائیگیاں علاقے کی لوڈشیڈنگ میں کمی یا خاتمےکا اہم جزو ہیں، لوڈشیڈنگ کا شیڈول کے الیکٹرک کی ویب سائٹ پر دیکھا جاسکتا ہے۔