کے الیکٹرک نے بجلی مزید مہنگی کرنے کی درخواست نیپرا میں جمع کروادی۔
اے آر وائی نیوز کے مطابق کے الیکٹرک نے بجلی 5 روپے 45 پیسے فی یونٹ مہنگی کرنے کی درخواست نیپرا میں جمع کروائی ہے۔
درخواست مئی اور جون کی ماہانہ فیول ایڈجسٹمنٹ کی مد میں دائر کی گئی ہے۔
کے الیکٹرک نے مئی کی ماہانہ فیول ایڈجسٹمنٹ کی مد میں 2 روپے 53 پیسے اضافے کی درخواست کی ہے جبکہ جون کی ماہانہ فیول ایڈجسٹمنٹ کی مد میں 2 روپے 92 پیسے اضافے کی درخواست کی گئی ہے۔
نیپرا کی جانب سے من و عن منظوری کے بعد صارفین پر 10 ارب روپے سے زائد کا اضافی بوجھ پڑے گا۔
نیپرا اتھارٹی کی جانب سے کے الیکٹرک کی درخواست پر 30 جولائی کو سماعت کی جائے گی۔
