ترجمان کے الیکٹرک نے کہا ہے کہ شہر میں بجلی کی قابل بھروسہ فراہمی کو یقینی بنانے کے لیے بھرپور اقدامات کیے جاتے ہیں۔
تفصیلات کے مطابق کے الیکٹرک کے ترجمان کا کہنا تھا کہ بجلی کے ٹرانسمیشن کے شعبہ میں مقامی طور پر تیار کی گئی آر ٹی وی ٹیکنالوجی کا استعمال پاکستان کے موسمی حالات کو مدنظر رکھتے ہوئے قابل بھروسہ سپلائی کو ممکن بنانے کے لیے اہم کردار ادا کر رہا ہے۔
کے الیکٹرک کا ٹرانسمشن ڈپارٹمنٹ بہتر طور پر بجلی کی فراہمی کے لیے نمی اور موسمی اثرات کو مدنظر رکھتا ہے اور اس مسئلے کے موثر حل کے حوالے سے کام جاری رکھے ہوئے ہے۔
ترجمان نے بتایا کہ کے الیکٹرک نے آر ٹی وی سلیوشن بجلی سپلائی کے ذمہ دار دیگر اداروں کے لیے بھی متعارف کروایا ہے۔
اس کے علاوہ بینکاک میں منعقد ہونے والی ایک بین الاقوامی کانفرنس آئی این ایم آر میں بھی آر ٹی وی کے استعمال کے بعد کے نتائج پیش کیے گیے جسے شرکا کی جانب سے بھرپور پزیرائی ملی۔
سال 2023 کے اعداد شمار کے مطابق موسمی حالات کے باعث ای ایچ ٹی لائنز کی ٹرپنگ 2018 میں 350 سے زائد تھیں جو آر ٹی وی کے استعمال سے 2023 میں کم ہو کر صرف 23 پر پہنچ چکی ہیں۔
کے الیکٹر کے ترجمان نے بتایا کہ آخری پانچ سالوں میں ان ٹرپنگ میں 15۔93 فیصد کی کمی واقع ہوئی ہے۔
