وہاڑی : پنجاب کے ایک چھوٹے سے علاقے میلسی سے تعلق رکھنے والے کھلاڑی راشد منہاس نے پاکستان کا نام پوری دنیا میں روشن کیا۔
راشد کا ذریعہ معاش تو کھیتی باڑی ہے لیکن اپنی انتھک محنت اور لگن سے ووشو، کنگ فو اور کبڈی میں اپنا لوہا منواچکے ہیں۔
سال 20216 میں انہوں نے بھارت میں ہونے والے اولپمک گیمز میں پاکستان کی نمائندگی کی اور سلور میڈل اپنے نام کیا۔
اس کے علاوہ سال 2012 میں ایران میں ہونے والے مقابلوں میں سلور میڈل جیتا اور سیف گیمز میں سونے کا تمغہ جیت کر ملک کا نام روشن کیا۔
اے آر وائی نیوز کے پرگرام باخبر سویرا میں قومی اسٹار راشد منہاس نے سننے والوں کو اپنی کوششوں سےکامیابی تک کے سفر کی روداد سنائی۔
ان کا کہنا تھا کہ مجھے اسکول لائف سے ہی اس کھیل کا شوق تھا، اسکول میں ہی اس کی ٹریننگ لی اور وقت کے ساتھ ساتھ ہی یہ شوق بڑھتا چلا گیا۔ان کا کہنا تھا کہ 2016میں بھارت میں سلور میڈل جیتا اورسال2017- 18- 19اور 20 سال تک نیشنل چیمپیئن رہا ہوں۔
راشد منہاس نے بتایا کہ مجھے میرے اساتذہ کا بہت تعاون رہا سب سے پہلے میں نے لاہور میں ہونے والے ایک مقابلے میں شرکت کی اور آج میں ایک انٹرنیشنل سطح کا کھلاڑی بن چکا ہوں۔
