پشاور : معاون خصوصی کامران بنگش نے بی آر ٹی افتتاح کے پروگرام کی منسوخی سے متعلق خبروں کو بے بنیاد قرار دے دیا اور کہا افواہوں سے گریز کیا جائے۔
تفٓصیلات کے مطابق معاون خصوصی کامران بنگش نے سماجی رابطے کی ویب سائٹ ٹوئٹر پر اپنے بیان میں کہا کہ وزیراعظم طے شدہ پروگرام کے تحت بی آر ٹی کا افتتاح کریں گے، پروگرام کی منسوخی سے متعلق خبریں بے بنیاد،بدنیتی پر مبنی ہیں، فواہوں سے گریز کیا جائے،بی آر ٹی مبارک۔
وزیراعظم عمران خان طے شدہ پروگرام کے تحت بی آر ٹی کا افتتاح کریں گے۔ پروگرام کی منسوخی سے متعلق خبریں بے بنیاد اور بدنیتی پر مبنی ہے۔ افواہوں سے گُریز کیا جائے۔ بی آر ٹی مبارک
— Kamran Bangash 🇵🇰 (@kamrankbangash) August 13, 2020
یاد رہے وزیراعظم عمران خان آج بی آر ٹی منصوبےکاافتتاح کریں گے ، منصوبےکے افتتاح سےمتعلق تیاریاں مکمل کرلی گئیں ہیں۔
وزیر اعلیٰ خیبرپختونخوا محمود خان نے کہا تھا کہ بی آر ٹی بالکل ایک نیا سسٹم ہے، جو باتیں بی آرٹی کےبارے میں سنیں بڑی مشکل سےبرداشت کیں شاید ابتدا میں مشکلات ہوں، لیکن حل کریں گے، بی آرٹی پرویزخٹک نےلوگوں کیلئےشروع کی ، اپنی ذات کےلیےنہیں ، ایک غلطی ہم سےہوئی تھی کہ ہم نے 6مہینے کاوقت دیاتھا۔
وزیراعلیٰ کے پی نے مزید کہا تھا کہ صوبےکےاداروں میں اہلیت ہےکہ وہ بڑےبڑےپروجیکٹ بنااورچلاسکیں، غلطی انسان سےہی ہوتی ہے لیکن اب بی آرٹی کاوعدہ پورا کردیا۔
خیال رہے یہ منصوبہ خیبر پختون خوا کے واحد میٹرو پولیٹن شہر پشاور کے لیے معاشی سرگرمیوں اور خوش حالی کے نئے دور کا آغاز بھی ثابت ہوگا، اس منصوبے کے لیے ماحول دوست ہائبرڈ بسوں کا انتخاب کیا گیا ہے۔
اس منصوبے کا مخصوص کوریڈور 27 کلو میٹر پر مشتمل ہے، کرائے کی وصولی کے لیے ایک خود کار نظام وضع کیا گیا ہے، مسافروں کو بسوں اور اسٹیشنز پر بہترین سہولیات میسر ہوں گی۔
