کندھ کوٹ: مبینہ طور پر عطائی ڈاکٹر کے غلط انجکشن لگانے سے 15 سال کا لڑکا دم توڑ گیا۔
تفصیلات کے مطابق سندھ کے ضلع کندھ کوٹ میں مبینہ طور پر عطائی ڈاکٹر کی غفلت سے 15 سال کا لڑکا اپنی جان کی بازی ہار گیا۔
اس حوالے سے ورثا کا کہنا ہے کہ بیمار بچے کو غوث پور میں خالد ملک کے کلینک لے گئے تھے، عطائی ڈاکٹر نے بچے کو ہائی ڈوز انجکشن لگا دیئے جس سے طبیعت مزید بگڑ گئی۔
- Advertisement -
ورثا نے الزام لگایا کہ انجکشن لگنے کے باعث بچےکے جسم میں انفیکشن ہوا، ڈی جی ہیلتھ اور دیگر اعلیٰ انتظامیہ واقعےکی نوٹس لیں۔
