کندھ کوٹ: سندھ کے شہر کندھ کوٹ میں گشت کے دوران پولیس پکٹ پر ڈاکوؤں کے حملے میں 2پولیس اہلکار جاں بحق جبکہ 4 زخمی ہوگئے۔
اے آر وائی نیوز کے مطابق پولیس ذرائع کا کہنا ہے کہ فائرنگ کا تبادلہ جاری ہے، مزید نفری کو طلب کرلیا گیا ہے جبکہ جاں بحق اور زخمی پولیس اہلکاروں کوکندھ کوٹ منتقل کردیا گیا ہے۔
ایس ایس پی کشمورکے مطابق پولیس کی فائرنگ سے ڈاکو موالی بہیو مارا گیا ہے جبکہ متعدد زخمی ہوئے۔ ڈاکو ہلاک ساتھی کی لاش اور زخمیوں کو اپنے ساتھ لے گئے۔
اس سے قبل کندھ کوٹ میں گشت کے دوران پولیس موبائل کو حادثہ پیش آنے کے نتیجے میں 4 اہلکار جاں بحق اور 3 زخمی ہو گئے تھے۔
کندھ کوٹ کے قریب انڈس ہائی وے مچھی بنڈو کے مقام پہ پیٹرولنگ کے دوران پولیس موبائل کا ٹائی راڈ ٹوٹ گیا تھا، جس کی وجہ سے وہ الٹ گئی۔
لاہور: شادی کی تقریب میں فائرنگ سے لڑکی جاں بحق
حادثے میں چار پولیس اہلکار جاں بحق اور تین زخمی ہو ئے، ایس ایس پی کشمور نے بتایا کہ نماز جنازہ کے بعد جاں بحق پولیس اہلکاروں کی میتیں ان کے آبائی گاؤں روانہ کر دی جائیں گی۔
