نیوزی لینڈ کرکٹ ٹیم کے کپتان نے 32 ویں ٹیسٹ سنچری بنا لی وہ سب سے کم اننگز میں اس سنگ میل تک پہنچنے والے پہلے کھلاڑی بن گئے۔
جنوبی افریقہ کے خلاف ہیملٹن ٹیسٹ میں نیوزی لینڈ کے کپتان نے تاریخ رقم کر دی۔ کین ولیمسن نے ٹیسٹ میچ کی دوسری اننگ میں سنچری بنائی اور 133 رنز بنا کر ناقابل شکست پویلین لوٹے۔
کین ولیمسن کی یہ 32 ویں ٹیسٹ سنچری تھی جس کے لیے انہوں نے 172 اننگز کھیلیں یوں وہ کرکٹ کی تاریخ میں سب سے کم اننگ کھیل کر یہ سنگ میل عبور کرنے میں کامیاب رہے اور انہوں نے آسٹریلوی کرکٹر اسٹیو اسمتھ کو پیچھے چھوڑ دیا۔
View this post on Instagram
واضح رہے کہ ہیملٹن ٹیسٹ میں نیوزی لینڈ نے جنوبی افریقہ کو سات وکٹوں سے شکست دے کر دو ٹیسٹ میچوں کی سیریز میں کلین سوئپ کیا ہے۔ ولیمسن کی اننگ نے نیوزی لینڈ کو 92 سال بعد جنوبی افریقہ کیخلاف کامیابی دلا دی۔ نیوزی لینڈ نے اس سے قبل 1932 میں پہلی بار جنوبی افریقہ کو ٹیسٹ سیریز میں ہرایا تھا۔
کیوی کپتان سے اسی سیریز کے ہیملٹن میں کھیلے گئے پہلے ٹیسٹ میں 137 رنز کی شاندار اننگز کھیل کرٹیم کو کامیابی دلائی تھی۔ وہ سیریز میں 403 رنز بنانے کے ساتھ ٹاپ بلے باز رہے ہیں جب کہ اپنی شاندار فارم کا بھرپور مظاہرہ کرتے ہوئے آخری سات ٹیسٹ میچوں میں اتنی ہی سنچریاں بنائی ہیں۔
