ممبئی: ہمیشہ کسی نہ کسی تنازع کے باعث خبروں میں رہنے والی نامور بالی وڈ اداکارہ کنگنا رناوت نے 600 روپے کی ساڑھی پہننے کی وجہ بتا دی۔
کنگنا رناوت نے اپنے آفیشل انسٹا گرام اکاؤنٹ سے ایک اسٹوری شیئر کی جس میں انہیں ساڑھی میں ملبوس دیکھا جا سکتا ہے جبکہ ان کے ہاتھ میں مہنگے برانڈ کا بیگ ہے۔
انسٹا گرام اسٹوری پر کنگنا رناوت نے لکھا: ’مذکورہ ساڑھی میں نے کولکتہ سے 600 روپے میں خریدی تھی۔ اسٹائل کا مطلب یہ نہیں کہ ہم انٹرنیشنل برانڈز کے غلام بن جائیں۔ ایک قوم پرست بنیں اور مقامی برانڈز کو فروغ دیں۔‘
مزید پڑھیں: ”کنگنا کیساتھ کام کرنا زندگی کی سب سے بڑی غلطی تھی“
کنگنا رناوت نے مزید لکھا کہ آپ کے ہر عمل سے قوم کو فائدہ پہنچانا چاہیے، مقامی برانڈز خریدنے سے کئی خاندانوں کا روزگار چلتا ہے۔
سوشل میڈیا صارفین نے کنگنا رناوت کی تلقین پر کان نہیں دھرے اور انہیں تنقید کا نشانہ بنایا ڈالا کیوں کہ وہ مہنگا ترین بیگ تھام کر لوگوں کو 600 روپے والی ساڑھی خریدنے کی تلقین کر رہی ہیں۔
اس حوالے سے صارفین کا کہنا تھا کہ 3 لاکھ روپے کا برانڈڈ بیگ تھام کر 600 روپے کی ساڑھی پہننے کی تلقین نہیں کرنی چاہیے۔
