کراچی کے علاقے سکھن میں گزشتہ روز فائرنگ سے ہلاک ہونے والا 20 سالہ نوجوان اطہر ڈکیت نکلا۔
اے آر وائی نیوز کے مطابق کراچی کے علاقے سکھن میں فائرنگ سے 20 سالہ اطہر کی ہلاکت کیس میں پیش رفت ہوئی ہے، پولیس کا بتانا ہے کہ فائرنگ سے ہلاک ہونے والا 20 سالہ اطہر ڈکیت ہے۔
پولیس کے کہنا ہے کہ ہلاک ڈکیت کے ساتھی نے واقعہ ڈکیتی مزاحمت کا ظاہر کیا تھا، ہلاک نوجوان کے پاس سے پستول برآمد ہوا ہے، ایم ایل او نے ہلاک ڈکیت کی جیب سے میگزین نکال کردیا جس سے 6 گولیاں برآمد ہوئیں۔
تفتیشی حکام کے مطابق معاملہ مشکوک دیکھ کر ہلاک نوجوان کے ساتھی کو حراست میں لیا تو اس نے دوران تفتیش بتایا کہ ہم دونوں ڈکیت ہیں۔
پولیس کا کہنا ہے کہ ہلاک ڈکیت کے رشتے دار واقعے کو ڈکیتی کے دوران قتل کا بتا رہے تھے تاہم ہلاک ڈاکو کے ساتھی نے بتایا کہ ہم ڈکیتی کی نیت سے نکلے تھے راہ گیر کو جیسے ہی روکا تو اس نے میرے کزن کو گولی مار دی۔
ملزم نے پولیس کو دیے گئے بیان میں بتایا کہ اطہر کی پستول زمین پر گر گئی تھی ڈر کے باعث واقعہ ڈکیتی مزاحمت کا ظاہر کیا تھا۔
