کراچی: شاہ فیصل کالونی 5 نمبر کے علاقے میں 3 منزلہ عمارت گرگئی۔
اے آر وائی نیوز کے مطابق شاہ فیصل کالونی 5 نمبر کے علاقے میں تعمیراتی کام کے دوران 3 منزلہ عمارت گرگئی۔
ریسکیو ذرائع کا بتانا ہے کہ ابتدائی اطلاع کے مطابق عمارت کی تیسری منزل پر تعمیراتی کام ہورہا تھا، کام کے دوران ہی عمارت گر گئی جس کے نتیجے میں ایک شدید زخمی شخص کو نکال لیا گیا۔
ریسکیو ذرائع نے کئی مزدوروں کے عمارت کے ملبے تلے دبے ہونے کا خدشہ ظاہر کیا ہے ساتھ ہی ان کا کہنا ہے کہ عمارت کے ملبے میں پھنسے مزدوروں کو نکالنے کی کوششیں جاری ہے۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔