کراچی: شہر قائد میں ایک روز میں آتشزدگی کا دوسرا واقعہ رونما ہوا ہے۔
تفصیلات کے مطابق کراچی کے تجارتی علاقے صدر میں واقع پارکنگ پلازہ کےقریب پٹرول پمپ پر آگ لگ گئی، واقعے کی اطلاع ملنے پر فائر بریگیڈ کی ایک گاڑی آگ بجھانے کے لئے پہنچی، آگ کی شدت کو دیکھتے ہوئے مزید 5 فائر بریگیڈ کو طلب کیا گیا۔
اطاعات کے مطابق آگ پیٹرول پمپ پر فلنگ کیلئےپہنچنےوالے آئل ٹینکر میں لگی، آگ لگنے سے پیٹرول پمپ کےدیگرحصے محفوظ ہیں۔
آتشزدگی کے واقعے کے پیش نظر رینجرز کے جوان بھی جائے حادثے پر پہنچے اور امدادی کارروائیوں میں حصہ لیا۔
ترجمان رینجرز کے مطابق صدر پارکنگ پلا زہ پر پٹر ول پمپ کےقریب کھڑے ٹینکر میں آگ لگی جس پر سندھ رینجرز کےجوان واقعے کی جگہ پر پہنچے ، رینجرز کےجوان ریسکیوٹیموں کےساتھ مل کرآگ بجھانےمیں مصروف ہیں۔
یہ اطلاعات ہیں کہ صدرپارکنگ پلازہ کےقریب پٹرول پمپ پرٹینکرمیں لگی آگ پھیلنےلگی ہے۔
