کراچی: نصرت بھٹو کالونی میں نیا ناظم آباد کیلئے بنائے جانے والے پل کا ایک حصہ گرگیا۔
اے آر وائی نیوز کے مطابق نصرت بھٹو کالونی کے قریب زیر تعمیر پل کا ایک حصہ گرگیا ہے۔
ذرائع کا کہنا ہے کہ پل پر کام جاری تھا اسی دوران یہ حادثہ پیش آیا، حادثے کے نتیجے میں 2 سے 3 افراد زخمی ہوگئے ہیں جنہیں اسپتال منتقل کیا جارہا ہے۔
ذرائع کا کہنا ہے حادثے کے بعد پولیس اور ریسکیو ادارے جائے وقوع کی جانب روانہ ہوگئے ہیں۔
دوسری جانب پل گرنے سے ٹریفک کی روانی بھی معطل ہوگئی ہے جبکہ شہریوں میں خوف ہراس بھی پھیل گیا ہے، کیوں کہ بڑی تعداد میں رہاشی اور دوکان موجود ہیں۔
