کراچی : ممنوعہ اورغیر معیاری دواؤں کی خرید و فروخت میں ملوث ملزم کو گرفتار کرکے غیر رجسٹرڈ دواؤں کا بڑا ذخیرہ برآمد کرلیا۔
تفصیلات کے مطابق ایف آئی اے کارپوریٹ کرائم سرکل نے ملیر میں کارروائی کرتے ہوئے ممنوعہ اورغیر معیاری دواؤں کی خرید و فروخت میں ملوث ملزم کو گرفتار کرلیا۔
ایف آئی اے نے بتایا کہ چھاپہ مار کارروائی میں ممنوعہ اور غیر رجسٹرڈ دواؤں کا بڑا ذخیرہ برآمد ہوا، برآمد شدہ دواؤں میں بڑی تعداد میں بوسٹن انجکشن برآمد ہوئے ہیں۔
- Advertisement -
ایف آئی اے کا کہنا تھا کہ ملزم ممنوعہ ادویات کو کراچی میں واقع کیٹل فارمز کو فروخت کرتا تھا تاہم برآمد شدہ ادویات کے نمونے ڈرگ ٹیسٹنگ لیبارٹری کو بھجوا دئیے گئے ہیں۔
