کراچی : لیاقت آباد سے دو اسٹریٹ کرمنلز گرفتار کر لئے گئے ، دونوں ملزمان نے400 کے قریب وارداتوں کا اعتراف کیا اور بتایا کہ ویڈیو وائرل ہونے کے بعد دونوں روپوش ہوگئے تھے۔
تفصیلات کے مطابق کراچی کے علاقے لیاقت آباد میں پولیس کے ہاتھوں گرفتار اسٹریٹ کرمنلز خصوصی ویڈیو بیان سامنے آگیا۔
شہری کو گولی مارنے والا مرکزی ملزم نور انٹرمیڈیٹ میں ہے ، ملزم نے انکشاف کیا کہ ندی کنارے شخص سے 7 ہزار میں پستول خریدا،پستول میں 3گولیاں تھیں، دونوں نے ساڑھے 3ہزار ملائے، فیس بک پر واردات کی فوٹیج دیکھ کر ہم گھروں میں چھپ گئے تھے۔
ایس ایس پی معروف عثمان نے کہا کہ نور اور شاہ میر 400 کے قریب وارداتیں کرچکے ہیں، ملزمان کوسندھی ہوٹل کےقریب چھاپہ مارکرگرفتار کیا گیا۔
معروف عثمان کا کہنا تھا کہ ملزمان نے19جنوری کو لیاقت آباد میں واردات کی تھی، ڈکیتی کے دوران گولی مار کر رئیس نامی شہری کو شدید زخمی کیا، زخمی شہری رئیس کو ملزم نور نے گولی ماری تھی۔
ایس ایس پی نے بتایا کہ گرفتار ملزمان سے 2پستول برآمد کرلیے گئے،جائے وقوع میں استعمال موٹرسائیکل بھی برآمد کرلیا گیا ہے اور ملزمان کیخلاف مقدمہ درج کرکے مزید تفتیش کاعمل جاری ہے۔
