کراچی: ڈسٹرکٹ سینٹرل پولیس نے بچت بازار میں خاتون سے نازیبا حرکات کرنے والے ملزم عامر کو گرفتار کرلیا۔
تفصیلات کے مطابق ایس ایس پی سینٹرل ذیشان صدیقی نے کہا کہ سوشل میڈیا پر بچت بازار کی ایک ویڈیو وائرل ہوئی تھی، واقعہ سیکٹر 5 ایم نارتھ کراچی کے بچت بازار میں پیش آیا تھا۔
ایس ایس پی سینٹرل کا کہنا ہے کہ خاتون بازار میں ایک اسٹال سے خریداری میں مصروف تھی اسی دوران 3 اوباش نوجوان سے خاتون سے نازیبا حرکت کی جس میں سے ایک ملزم عامر کو ویڈیو کی مدد سےگرفتار کرلیا گیا۔
- Advertisement -
بلال کالونی ڈسٹرکٹ سینٹرل پولیس کا کہنا ہے کہ گرفتار ملزم عامر کے خلاف مقدمہ درج کرلیا گیا ہے، ملزم کے 2 ساتھیوں کی گرفتاری کے لیے چھاپے مارے جارہے ہیں۔
