کراچی : شہرقائد کے علاقے سرجانی سے منگل اور بدھ کی درمیانی شب کالعدم تنظیم سے تعلق رکھنے والے تین افراد کو حراست میں لے لیا گیا۔
تفصیلات کے مطابق گزشتہ رات کراچی کے علاقے سرجانی ٹاون میں خفیہ اطلاع پر حساس اداروں کی کاروائی کے دوران تین مبینہ دہشت گردوں گرفتار کر کے نامعلوم مقام پر منتقل کردیا گیا ہے۔
گرفتار ہونے والے افراد کا تعلق مذہبی جماعت سے ہے۔ حساس ادارے کے مطابق چھاپے کے دوران بڑی تعداد میں اسلحہ اور بارودی مواد بھی برآمد کیاگیا ہے۔
دوسری جانب کراچی کے علاقے لائنزایریا میں پولیس نے ایک شخص کوگرفتار کیا ہے تاہم گرفتاری کی وجوہات سامنے نہیں آسکیں۔
واضح رہے کہ شہرقائد میں امن و امان قائم کرنے کے لیے پولیس اور رینجرز کی جانب سے گزشتہ ایک سال سے زائد عرصے سے آپریشن جاری ہے اور اس عرصے میں ہزاروں کی تعداد میں گرفتاریاں عمل میں لائیں گئی ہیں جبکہ متعدد دہشت گرد پولیس اور رینجرز سے مقابلوں کے دوران مارے جاچکے ہیں۔
