کراچی : صدر دھماکا کی تحقیقات جاری ہے ، واقعے کا مقدمہ سی ٹی ڈی میں دہشت گردی کی دفعات کے تحت درج کیا جائے گا۔

تفصیلات کے مطابق کراچی میں صدر دھماکا کی تحقیقات واقعاتی شواہد کی مدد سے آگے بڑھ رہی ہے، پولیس کا کہنا ہے کہ واقعےکا مقدمہ سی ٹی ڈی میں دہشتگردی کی دفعات کےتحت درج کیاجائے گا۔

حکام نے بتایا کہ دھماکے کے بعد داؤدپوتاروڈٹریفک کےلئے بند ہے ، صرف دھماکے والی سڑک کو بند کیا گیا ہے۔

پولیس کا کہنا تھا کہ قانون نافذ کرنے والے اداروں نے جائے وقوعہ کادورہ کیا جبکہ جائے وقوعہ پر صبح ہوتے ہی مختلف ٹیمیں پہنچنا شروع ہوگئیں اور اطراف کی عمارتوں کی سی سی ٹی وی فوٹیج کا جائزہ لے رہی ہیں۔

حکام نے کہا کہ دھماکےمیں تباہ ہونےوالی گاڑیاں اورموٹرسائیکلیں بھی موجود ہیں اورجس جگہ دھماکاہوا اس کو مکمل طور پر سیل کر دیا گیا ہے۔

گزشتہ رات صدر کے علاقے داؤد پوتہ روڈ پر بم دھماکے میں ایک شخص جاں بحق جب کہ 13 زخمی ہو گئے تھے، بم ڈسپوزل اسکواڈ کا کہنا تھا کہ دھماکا خیز مواد موٹر سائیکل کے پیچھے نصب تھا۔

بعد ازاں دھماکے کی ذمہ داری سندھو دیش لبریشن آرمی نے قبول کر لی تھی۔