The news is by your side.

Advertisement

کراچی: جماعت نہم و دہم کے امتحانی فارم سے متعلق اہم خبر

کراچی: چیئرمین ثانوی تعلیمی بورڈ نے جماعت نہم و دہم کے امتحانی فارم جمع کروانے کی تاریخ میں توسیع کردی۔

اے آر وائی نیوز کے مطابق چیئرمین ثانوی تعلیمی بورڈ شرف علی شاہ کا کہنا ہے کہ سائنس، جنرل، ریگولر، پرائیویٹ فارم جمع کرانے کی تاریخ میں 2 جولائی تک توسیع کی گئی ہے۔

چیئرمین ثانوی تعلیمی بورڈ کا کہنا ہے کہ امیدواروں کو سہولت کے لیے دو دن کی توسیع دی جارہی ہے۔

واضح رہے کہ نہم و دہم جماعت کے امتحانات 5 جولائی سے شروع ہوں گے۔

گزشتہ دنوں میٹرک بورڈ نے نویں اور دسویں جماعت کے سالانہ امتحانات 2021 کے امتحانی پرچوں کا شیڈول جاری کیا تھا، جس کے مطابق سائنس گروپ کے امتحانات صبح کی شفٹ میں جبکہ جنرل گروپ کے امتحانات دوپہر اوقات میں لیے جائیں گے۔

مزید پڑھیں: کراچی، نویں‌ اور دسویں‌ جماعت کے سالانہ امتحانات کا شیڈول جاری

ترجمان ثانوی بورڈ کا کہنا تھا کہ حکومت سندھ، محکمہ تعلیم کی ہدایت کے مطابق تخفیف شدہ نصاب سے ہی تمام امتحانی پرچے ترتیب دیئے جائیں گے جوصرف اختیاری مضامین پر مشتمل ہوں گے۔

ترجمان میٹرک بورڈ کے مطابق یہ تمام پرچے 50 فیصد MCQ’s (کثیر الانتخابی سوالات)، 30فیصد مختصر سوالات کے جوابات، اور 20 فیصد بیانیہ جواب کے سوالات پر مشتمل ہوں گے۔

Comments

یہ بھی پڑھیں