The news is by your side.

Advertisement

کراچی، نویں‌ اور دسویں‌ جماعت کے سالانہ امتحانات کا شیڈول جاری

کراچی: ثانوی تعلیمی بورڈ نے نویں اور دسویں جماعت کے سالانہ امتحانات برائے 2021 کے امتحانات کا شیڈول جاری کردیا۔

اے آر وائی نیوز کے مطابق میٹرک بورڈ نے نویں اور دسویں جماعت کے سالانہ امتحانات 2021کے امتحانی پرچوں کا شیڈول جاری کردیا، جس کے مطابق سائنس گروپ کے امتحانات صبح کی شفٹ میں جبکہ جنرل گروپ کے امتحانات دوپہر اوقات میں لیے جائیں گے۔

چیئرمین میٹرک بورڈسید شرف علی شاہ نے بتایا کہ ہر پرچے کا دورانیہ دو گھنٹے پر مشتمل ہوگا،  سائنس گروپ کا امتحان صبح ساڑھے 9 سے ساڑھے گیارہ جبکہ جنرل گروپ کا دوپہر ڈھائی بجےس ے شام 4 بج کر تین منٹ تک ہوگا۔

ثانوی بورڈ کے ترجمان کی جانب سے جاری اعلامیے میں بتایا گیا ہے کہ نویں اور دسویں جمات کے سالانہ امتحانات پانچ جولائی 2021 سے شروع ہوں گے۔ حکومت سندھ، محکمہ تعلیم کی ہدایت کے مطابق تخفیف شدہ نصاب سے ہی تمام امتحانی پرچے ترتیب دیئے جائیں گے جوصرف اختیاری مضامین پر مشتمل ہوں گے۔

ترجمان میٹرک بورڈ کے مطابق یہ تمام پرچے 50 فیصد MCQ’s (کثیر الانتخابی سوالات)، 30فیصد مختصر سوالات کے جوابات، اور 20 فیصد بیانیہ جواب کے سوالات پر مشتمل ہوں گے۔

امتحانی شیڈول برائے جماعت نہم سائنس گروپ

امتحانی شیڈول برائے جماعت نویں جنرل گروپ

امتحانی شیڈول برائے جماعت دسویں سائنس گروپ

امتحانی شیڈول برائے جماعت دسویں جنرل گروپ

Comments

یہ بھی پڑھیں