کراچی : 8 اپریل کو اغوا ہونے والے 12 سالہ بچے کی لاش مل گئی ، اغواکاروں نےبچےکےورثاسے15لاکھ تاوان طلب کیا تھا۔
تفصیلات کے مطابق کراچی کے علاقے اورنگی مومن آباد سے اغوا ہونے والے بچے کی لاش برآمد ہوئی۔
ایس پی ای وی سی سی ظفرصدیق چھانگا نے بتایا کہ 8اپریل کومومن آباد سے12 سالہ بچےعبید کو اغوا کیاگیاتھا اور اغواکاروں نےبچےکےورثاسے15لاکھ تاوان طلب کیا تھا۔
ظفرصدیق چھانگا کا کہنا تھا کہ جس کے بعد ڈی آئی جی سی آئی اےکی ہدایت پرخصوصی ٹیم تشکیل دی گئی تھی اور سی پی ایل سی نےٹیکنیکل بنیادپرمشترکہ کارروائی کرکے2ملزمان کوگرفتار کیا تھا۔
ایس پی ای وی سی سی نے کہا کہ ملزمان کی نشاندہی پرمنگھوپیر سےبچےکی لاش برآمدکی گئی ، گرفتارملزمان میں ایک مقتول بچےکابہنوئی ہے۔
ان کا کہنا تھا کہ مقتول بچےکی والدہ ایک ماہ قبل بیرون ملک سےواپس آئی تھی اور والدہ کےپاس15 بیس لاکھ روپےکی رقم موجودتھی، ملزمان کےپاس گھرکی تمام تر تفصیلات موجودتھیں۔
کراچی:جائےوقوعہ پرعلاقہ پولیس اورکرائم سین یونٹ کوطلب کر لیا گیا ، گرفتار ملزمان کی شناخت فرقان اور فرحان کے ناموں سے ہوئی، واقعےکا مقدمہ مومن آباد تھانے میں درج ہے۔