کراچی: شہرقائد کی مرکزی شاہراہ کے دونوں ٹریکس کو ٹریفک کےلیے بند کردیا گیا، جس کے باعث شہریوں کو شدید پریشانی کا سامنا ہے۔
گرومندر سے نمائش آنے جانے والے دونوں شاہراہوں کو گاڑیوں کے لیے بند کیا گیا ہے، احتجاج کے باعث اطراف کی شاہراہوں پر بدترین ٹریفک جام ہوگیا ہے، سڑک پر گاڑیوں کی قطاریں لگ گئی ہیں اور لوگوں کو کافی مشکلات کا سامنا ہے۔
گرومندر، پیپلز چورنگی، جمشیدروڈ اور جیل چورنگی پر ٹریفک کی روانی متاثر ہورہی ہے، شہید ملت روڈ، سولجر بازار، یونیورسٹی روڈ اور اطراف میں بھی ٹریفک جام ہے۔
شہر قائد میں ٹریفک جام معمول، جگہ جگہ پارکنگ مافیا کے کارندے سرگرم
ٹریفک پولیس کا کہنا ہے کہ گرومندر سے آنے والی ٹریفک کو 45 كانگریس سے پی پی چورنگی بھیج رہے ہیں۔
گرومندر اور نمائش کےلیے آنے والی ٹریفک کے متبادل راستوں کے حوالے سے ٹریفک پولیس کا مزید کہنا تھا کہ پی پی چورنگی سے آنے والی ٹریفک کوریڈور 3 کی طرف بھیج رہے ہیں۔
کراچی کی سب سے بڑی شاہراہ پر ٹریفک جام، پولیس واٹر ٹینکر کے خلاف ایف آئی آر نہ کاٹ سکی
