کراچی کے علاقے برنس روڈ کے مکین ریسٹورنٹس کے خلاف سراپا احتجاج بن گئے۔
اے آر وائی نیوز کے مطابق کراچی کے علاقے برنس روڈ کے مکینوں نے ریسٹورنٹس کے خلاف احتجاج کرتے ہوئے سڑک بلاک کردی۔
علاقہ مکینوں کا کہنا ہے کہ ریسٹورنٹس کی وجہ سے سڑکوں پر چلنے کی جگہ بھی نہیں رہی، رش کی وجہ سے خواتین، بچے گھروں سے نہیں نکل سکتے۔
- Advertisement -
مطاہرین کے مطابق کے ایم سی، ضلعی انتظامیہ ریسٹورنٹ مالکان سے رشوت لیتی ہے، کے الیکٹرک کا عملہ بھی ٹھیلوں کو کنڈے کی بجلی فراہم کرتا ہے۔
دوسری جانب اسسٹنٹ کمشنر آرام باغ مظاہرین سے ملاقات کرنے کے لیے پہنچ گئے ہیں۔
ضلعی انتظامیہ کا کہنا ہے کہ برنس روڈ پر تجاوزات کے خلاف آپریشن شروع کیا جارہا ہے، ڈی ایم سی صدر، اینٹی انکروچمنٹ فورس کے ساتھ آپریشن کیا جائے گا۔
