کراچی چیمبر نے کرنسی اسپاٹ ٹریڈنگ کے سلسلے میں ویب پلیٹ فارم کے قیام کا خیرمقدم کیا ہے، اس اقدام سے ہیر پھیر کا خاتمہ ہوگا، حوالہ، ہنڈی کے لین دین کی حوصلہ شکنی ہوگی۔
اے آر وائی نیوز کے مطابق زبیر موتی والا نے کہا ہے کہ درآمدی اور برآمدی تجارت میں زرمبادلہ کی خریدو فروخت کے عمل کو ہموار کرنے کے لیے تجارتی پورٹل کو سراہتے ہیں، اس اقدام سے ہیر پھیر ختم ہوگی جب کہ حوالہ، ہنڈی کے لین دین کی حوصلہ شکنی ہوگی۔
چیئرمین بی ایم جی کا کہنا تھا کہ منی لانڈرنگ اور کراس بارڈر اسمگلنگ کے مسائل سے نمٹنے میں مدد ملے گی، برآمدات پر مبنی صنعتوں کو مدد ملے گی اور برآمدات میں اضافہ ہوگا۔
- Advertisement -
زبیر موتی والا نے مزید کہا کہ اسپاٹ ٹریڈنگ پلیٹ فارم خام مال کی درآمد میں سہولت فراہم کرے گا۔