کراچی : سندھ بھر میں چنگچی رکشوں پر پابندی کے بعد ٹریفک حکام کی جانب سے چنگچی رکشوں کے خلاف آپریشن شروع کردیا گیا۔
سندھ بھر کی سڑکوں پر بھاگتے دوڑتے، رنگ برنگے چنگچی رکشوں پرعدالتی حکم پر پابندی لگ گئی، پابندی پرعمل کرانے کے لئے ٹریفک پولیس حکام نے چنگچی رکشوں کے خلاف آپریشن کا آغاز کردیا۔
گذشتہ ایک ہفتے کے دوران ہزاروں کی تعداد میں چنگچی رکشے ضبط کر لئے گئے۔ پولیس حُکام کا کہنا ہے کہ دفاتر ضبط کئے گئے رکشوں سے بھر گئے، کم کرایہ لینے والی چنگچی رکشوں کی عادی عوام میں سے کچھ پابندی پر پریشان ہیں اور کچھ کا کہنا ہے کہ سڑکوں سے چنگچی رکشوں کا جانا اچھا اقدام ہے۔
