کراچی: سپرہائی وے پولیس نے ڈکیتی مزاحمت پر شہری کو قتل کرنے والے ملزم کو گرفتار کرلیا۔
کراچی کے علاقے سائٹ سپرہائی وے پولیس نے جمالی پل کے قریب کارروائی کرتے ہوئے ڈکیتی مزاحمت پر شہری کو قتل کرنے والے ملزم صدام حسین کو گرفتار کرلیا۔
ایس ایس پی ایسٹ زبیر نذیر شیخ کے مطابق گرفتار ملزم صدام حسین نے 4 روز قبل ڈکیتی مزاحمت پر شہری کو قتل کیا تھا، واقعے کے خلاف سپرہائی وے پر احتجاج بھی کیا گیا تھا۔
ایس ایس پی ایسٹ کا کہنا ہے کہ آج ملزم پھر اپنے ساتھی عمر افغانی کے ساتھ مل کر ڈکیتی کررہا تھا، پولیس کے پہنچتے ہی عمر افغانی فرار ہوگیا تاہم صدام حسین کو گرفتار کرلیا گیا ہے۔
ایس ایس پی زبیر نذیر شیخ نے بتایا کہ ملزم سے پستول، چھینا ہوا موبائل فون اور دیگر سامان برآمد کرنے کے بعد مقدمہ درج کر لیاگیا۔
