کراچی: شہرقائد میں سینٹرل جیل کےاطراف پولیس نےکومبنگ آپریشن کےدوران 30مشتبہ افراد کوحراست میں لےلیا۔
تفصیلات کےمطابق کراچی میں سینٹرل جیل کے اطراف پولیس کی جانب سےکومبنگ آپریشن کےدوران پولیس نے30افراد کوحراست میں لے مشتبہ افراد کے ریکارڈ کی بائیو میٹرک ڈیوائس سے تصدیق کی۔
ایس پی گلشن ڈاکٹر فہد کے مطابق سرچ آپریشن میں دو سو اہلکاروں نے حصہ لیا۔ پولیس کی بھاری نفری نے علاقے کا محاصرہ کرکےگھر گھر تلاشی لی۔جس کے دوران تین غیرملکی باشندوں سمیت تیس مشتبہ افراد کو حراست میں لےلیاگیا۔
ڈاکٹر فہد کے مطابق آپریشن کے دوران پولیس کی جانب سے پہلی بار بائیو میٹرک ڈیوائس کا استعمال بھی کیا گیا۔۔ نامکمل شناختی کوائف اور مشتبہ افراد کو حراست میں لے کر تفتیش کےلیےمختلف تھانوں میں منتقل کردیاگیا ہے۔
مزید پڑھیں:ملک بھر میں کومبنگ آپریشن جاری، درجنوں گرفتار،اسلحہ برآمد
واضح رہےکہ گزشتہ روز ملک بھر میں کومبنگ آپریشن کے دوران سیکورٹی فورسز نے درجنوں افراد کوگرفتار کرکے بھاری مقدارمیں اسلحہ برآمد کیاتھا۔
