The news is by your side.

کراچی میں سوشل میڈیا کے ذریعے اسلحہ اسمگل کرنے والا گروہ پکڑا گیا

کراچی : سی ٹی ڈی نے سوشل میڈیا کے ذریعے اسلحہ اسمگل کرنے والا گروہ پکڑ کر کلاشنکوف سے زیادہ خطرہ اعلیٰ ترین کوالٹی کے اٹھارہ پستول برآمد کرلئے۔

تفصیلات کے مطابق سول لائن میں انچارج سی ٹی ڈی راجہ عمر خطاب نے پریس کانفرنس کرتے ہوئے کہا کہ آئی جی سندھ کے حکم پر غیر قانونی اسلحے پر کارروائی کی۔

راجہ عمر خطاب کا کہنا تھا کہ اس کارروائی میں 4 افراد کو گرفتار کیا گیا ہے، پکڑے گئے دو افراد کا تعلق درآدم خیل اور دو کا تعلق کراچی سے ہے۔

انچارج سی ٹی ڈی نے کہا کہ اسلحہ کی خرید و فروخت کیلیے فیس بک پر پیج بنے ہوئے، جہاں سے درآدم خیل سے غیرقانونی اسلحے کا کاروبار ہورہا تھا جبکہ اسلحہ کے واٹس اپ گروپ میں نمبر ایڈ کرکے اسلحے کی تصاویر دکھائی جاتی ہیں ، پکڑے گروپ سے 18 پسٹل پکڑے گئے ہیں۔

ان کا کہنا تھا کہ اخروٹ اور مونگ پھلی کے ڈبوں میں گولیاں چھپائی گئیں تھیں، جتنا بھی اسلحہ پکڑا گیا اس کا فارنزک نہیں ہوسکا، 7 کیسزز ایسے تھے جن کا فارنزک ہوا۔

ملزمان درہ آدم خیل سے بہت آسانی سے اسلحہ کراچی لارہے ہیں ، موبائل سم خریدنامشکل ہےاسلحہ لیناآسان ہوگیاہے، لائسنس دکھنے میں اصلی ہے مگر وہ جعلی لائسنس ہیں، حکومت سے اس حوالے سے مدد حاصل کریں گے۔

راجہ عمر خطاب نے مزید بتایا کہ 300 سے 400 بور کے پسٹل کراچی درآدم خیل سے آتے ہیں، حکومت سے اس حوالے سے مدد حاصل کریں گے۔

Comments

یہ بھی پڑھیں