The news is by your side.

Advertisement

کراچی: قصبہ کالونی کی باکمال بچیاں مثال بن گئیں، ویڈیو وائرل

کراچی: شہر قائد کے علاقے قصبہ کالونی میں دو ننھی الیکٹریشن بچیاں اپنے والد کی دکان میں اسٹپلائزر اور ٹیپ ریکارڈر کی مرمت اس مہارت کے ساتھ کرتی ہیں کہ دیکھنے والا بھی دنگ رہ جاتا ہے۔

کٹی پہاڑی قصبہ کالونی کی دو بچیوں نے ثابت کر دیا کہ بیٹیاں کمزوری نہیں طاقت ہوتی ہیں اور اگر انہیں مواقع فراہم کیے جائیں تو نہ صرف اپنے گھر والوں کا بلکہ ملک کا نام بھی روشن کر سکتی ہیں۔

جویریا اور سمعیہ  الیکٹرانک چیزیں ٹھیک کرنے میں مہارت رکھتی ہیں اور پڑھائی کے ساتھ والد کی دکان پر اسٹیبلائزر اور ٹیپ ریکارڈر ٹھیک کرتی ہیں۔

جویرا نے اے آروائی نیوز  سے بات کرتے ہوئے کہا کہ میں نے پہلے لائٹ پھر اسپیکر اور اس کے بعد بیٹری کی چارجنگ سیکھی۔جویرا کا کہنا تھا کہ مزید دو سال کام کرنے کے بعد وہ مکمل کام سیکھ جائے گی۔

جویرا کی چھوٹی بہن سمعیہ نے کہا کہ میں اپنی دوستوں کو بولتی ہوں اپنے ابو کے ساتھ کام کرو، تعلیم حاصل کرنے کے ساتھ ہنر بھی سیکھو۔

سوشل میڈیا پر ویڈیو وائرل ہونے پر اکثر صارفین کا کہنا تھا کہ ہی ننھی الیکٹریشن  بچیاں دیگر لوگوں کے لیے مثال ہیں کہ لوگوں کی باتیں  نہیں بلکہ بیٹیوں کا ہنر اور ان کا مستقبل اہم  ہے۔

Comments

یہ بھی پڑھیں