کراچی: بھتہ نہ دینے پر 2 افراد قتل، خواتین سمیت 4 زخمی lyari firing
The news is by your side.

Advertisement

کراچی: بھتہ نہ دینے پر 2 افراد قتل، خواتین سمیت 4 زخمی

کراچی: شہر قائد کے علاقے لیاری میں بھتہ کی رقم ادا نہ کرنے پر گینگ وار کارندوں کی فائرنگ سے 2 افراد جاں بحق جبکہ 2 خواتین سمیت 4 افراد زخمی ہوگئے۔

پولیس حکام کے مطابق  لیاری کے علاقے بغدادی میں واقع  ہوٹل پر گینگ وار کارندوں نے بھتے کی پرچی دی اور رقم نہ ملنے پر فائرنگ کر کے مالک کے بیٹے رئیس خان کو ہلاک کردیا۔

گینگ وار کارندوں کی فائرنگ سے رکشے میں سوار دو خواتین اور ہوٹل پر بیٹھے تین افراد بھی زخمی ہوئے، پولیس حکام کے مطابق ہلاک و زخمی شخص کا تعلق بھی لیاری گینگ وار سے ہے۔

فائرنگ سے جاں بحق ہونے والے افراد کی لیئق اور خان محمد جبکہ زخمیوں کی شناخت روبینہ، فجا، بوبی اور صالح کے نام سے ہوئی تمام افراد کو ایمبولینس کے ذریعے سول اسپتال منتقل کیا گیا۔

آئی جی سندھ پولیس اے ڈی خواجہ نے فائرنگ کے واقعے کا نوٹس لیتے ہوئے ایس ایس پی سٹی کورٹ سے فوری طور پر تفصیلی رپورٹ طلب کی اور ملزمان کو فوری گرفتار کرنے کا حکم دیا۔

دوسری جانب وزیر داخلہ سندھ نے بھی فائرنگ کا نوٹس لیتے ہوئے آئی جی سندھ سے واقعے کی تفصیلی رپورٹ طلب کرتے ہوئے فوری کارروائی کا حکم دیا۔

Comments

comments

یہ بھی پڑھیں