کراچی: شہر قائد میں قاتل ایک بار پھر آزاد ہوگئے، ایک گھنٹے میں فائرنگ کے مختلف واقعات میں 3 افراد جاں بحق جبکہ صبح سے ابھی تک پرتشدد واقعات میں 5 افراد جاں بحق ہوچکے ہیں۔
تفصیلات کے مطابق شہر قائد کے علاقے لانڈھی مظفرآباد کالونی میں نامعلوم افراد نے فائرنگ کر کے دو افراد کو نشانہ بنایا جو جائے وقوعہ پر ہی دم توڑ گئے جبکہ لانڈھی نمبر 2 کے علاقے معین آباد میں فائرنگ کے واقعے میں دوسرا شخص جاں بحق ہوا۔
ایس ایس پی ملیر کے مطابق مظفرآباد کالونی میں جاں بحق ہونے والے افراد کی شناخت ہوگئی ہے اور انہیں ذاتی دشمنی کی بنیاد پر قتل کیاگیا ہے۔
پڑھیں: ’’ کراچی : محکمہ موسمیات کے دفتر کے قریب نامعلوم شخص مشکوک بیگ پھینک کر فرار ‘‘
پولیس حکام کے مطابق لانڈھی میں ایک گھنٹے کے اندر فائرنگ سے تین افراد جاں بحق جبکہ صبح سے اب تک مرنے والوں کی تعداد پانچ تک پہنچ گئی ہے جبکہ علی الصباح گورنگی ندی سے نوجوان کی بوری بند لاش برآمد ہوئی اور گلشن معمار سے بھی لاش برآمد ہوئی۔
خیال رہے سندھ پولیس کی جانب سے کچھ روز قبل ر رواں سال ہونے والی کارروائیوں کے حوالے اور کراچی میں قائم ہونے والے امن امان کی رپورٹ شائع کی گئی تھیں جو باعث اطمینان تھی۔
