کراچی: لیاقت آباد میں ’جنسی زیادتی‘ کی شکار 5 سالہ بچی کی لاش ملنے کے واقعے میں اہم پیش رفت ہوئی ہے۔
تفصیلات کے مطابق 16 اکتوبر کو کراچی کے علاقے لیاقت آباد صدیق مسجد بی ایریا کے قریب ندی سے 5 سالہ بچی کی لاش ملی تھی، جس کو جنسی زیادتی کا نشانہ بنایا گیا تھا۔
تاہم اب اس کیس میں اہم پیچ رفت ہوئی ہے، پولیس نے سی سی ٹی کی مدد سے بچی کے قریبی رشتے دار فیاض کو حراست میں لے لیا ہے۔
پولیس کا کہنا ہے کہ سامنے آنے والی سی سی ٹی وی فوٹیج میں بچی کو آخری بار اسی رشتے دار کے ساتھ جاتے دیکھا گیا ہے، فیاض کے ڈی این اے نمونے بھی حاصل کیے گئے ہیں۔
واضح رہے کہ بچی منگل کو سچل کے علاقے سکندر گوٹھ سے لاپتہ ہوئی تھی اور اگلے دن لاش لیاقت آباد ندی سے ملی تھی، بچی کی گمشدگی کا مقدمہ سچل تھانے میں درج کیا گیا تھا۔
پولیس کے مطابق پوسٹ مارٹم رپورٹ میں زیادتی کے شواہد بھی ملے ہیں، قتل اور جنسی زیادرتی کی شکار بچی کے کیس پر مزید تحقیقات کی جارہی ہیں۔
