کراچی: شہر قائد کے بلدیہ نیول کالونی میں خوفناک ٹریفک حادثے میں ایک بھائی جاں بحق اور دوسرا زخمی ہوگیا۔
تفصیلات کے مطابق کراچی کے بلدیہ نیول کالونی میں خوفناک ٹریفک حادثہ پیش آیا ہے جس کی ویڈیو بھی سامنے آگئی، ویڈیو میں 2 موٹر سائیکلوں کو کوچ کے نیچے دیکھا جاسکتا ہے۔
ویڈیو میں دیکھا جاسکتا ہے کہ کوچ ڈرائیور موٹر سائیکلوں کو رگڑتاہوا فرار ہونے کی کوشش کرتا رہا، شہریوں کے جمع ہوتے ہی ڈرائیور کوچ سے اترا اور موقع سے فرار ہوگیا۔
ذرائع کے مطابق اس ٹریفک حادثے میں ایک بھائی جاں بحق اور ایک زخمی ہوگی، ٹریفک حادثہ نیول کالونی میں پیش آیا تھا، تیز رفتار کوچ نے سڑک پر 3 سے 4 موٹر سائیکلوں کو ٹکر ماری۔
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔