کراچی: سرکاری کالجوں کے پرنسپلز نے بھی انٹر میں فیل ہونے والے طلبا کو گریس مارکس دینے کی سفارش کو مسترد کرتے ہوئے کاپیوں کی دوبارہ جانچ پڑتال کا مطالبہ کردیا۔
تفصیلات کے مطابق انٹر بورڈ کے متنازعہ نتائج پر فیکٹ فائنڈنگ کمیٹی کی رپورٹ سفارشات پر سرکاری کالجوں کے پرنسپلز نے بھی گریس مارکس کو مسترد کردیا۔
کالج پرنسپلز کا کہنا تھا کہ امیدواروں کے ساتھ زیادتی کی گئی ہے، کاپیوں کی دوبارہ جانچ پڑتال کو یقینی بنایا جائے، امتحانات میں 95 فیصد نمبر حاصل کرنے والے طلبہ متاثرہوئے، والدین کے شدید دباؤ کا سامنا ہے ، مکمل انکوائری کی جائے۔
یادرہےانٹر امتحانات میں فیل ہونے والے طلبا کا کہنا ہے کہ گریس مارکس قبول نہیں ، پرچوں کی دوبارہ جانچ پڑتال کی جائے، گریس مارکس پر میڈیکل اور انجینئرنگ پروفیشنل جامعات میں داخلے نہیں ملیں گے۔
Comments
- Advertisement -