The news is by your side.

Advertisement

کراچی کے مسائل پیپلز پارٹی بھی میدان میں آگئیں

کراچی: سابق صدر آصف علی زرداری کی ہمشیرہ فریال تالپور کراچی کے مسائل حل کرانے سوک سینٹر پہنچ گئیں۔

کراچی میں جگہ جگہ کچرے کے ڈھیر اور گندگی کے انبار لگنے کے بعد آخر کار پیپلز پارٹی کو بھی کراچی کاخیال آہی گیا، پیپلزپارٹی کی ایم این اے اور اہم رہنما فریال تالپور ،صوبائی وزیر بلدیات جام خان شورو اور صوبائی وزیر داخلہ نے کراچی کے مسائل پر اہم بیٹھک کی۔

اجلاس کے بعد میڈیا سے گفتگو کرتے ہوئے فریال تالپور نے کہا کہ ان کی پارٹی کراچی کے مسائل حل کرنے کے لئے متحرک ہے۔

وزیربلدیات سندھ نے بھی شہر قائد میں کچرے کے ڈھیروں کو تسلیم کیا، انہوں نے کراچی والوں کو خوشخبریاں بھی سنائیں، صوبائی وزیر بلدیات نے گندگی کا سارا ملبہ وفاقی حکومت پر ڈال دیا، انہوں نے کہا کہ سندھ سے زیادتی ہو رہی ہے سندھ کو فنڈز نہیں دیئے جارہے۔

Comments

comments

یہ بھی پڑھیں