The news is by your side.

Advertisement

کراچی کنگزٹیلنٹ ہنٹ پروگرام، نوابشاہ سے کھلاڑیوں کا انتخاب

نواب شاہ : کراچی کنگز ٹیلنٹ ہنٹ پروگرام کے چوتھے مرحلے میں نواب شاہ سے کھلاڑیوں کا انتخاب کرلیا گیا، کوچز نے بہترین کھلاڑی منتخب کرلیے، اگلا مرحلہ سکھر میں ہوگا۔

تفصیلات کے مطابق برائٹو پینٹس کراچی کنگز ٹیلنٹ ہنٹ پروگرام کے سلسلے میں کھلاڑیوں کے ٹرائلز جاری ہیں، اس سلسلے میں سندھ کا چوتھا فیز نواب شاہ میں مکمل ہوگیا۔ جس میں کوچز نے بہترین کھلاڑی منتخب کیے۔

حیدرآباد اور میر پور خاص اورعمر کوٹ کے بعد نواب شاہ میں برائٹو پینٹس کراچی کنگز کی ٹیم باصلاحیت کھلاڑی کی کھوج کیلئے نواب شاہ پہنچی۔

صبح سویرے سے ہی نوجوان کھلاڑیوں کی بڑی تعداد نواب شاہ کے بلاول اسٹیڈیم میں اپنی صلاحیتوں کے جوہر  دکھانے کے لئے پہنچ گئی۔

ٹرائلز کے دوران باصلاحیت کھلاڑیوں کے درمیان کانٹے کا مقابلہ رہا، کھلاڑیوں نے کراچی کنگز کے ٹرائلز کو بے حد سراہا، اس موقع پر سلیکٹرز نے متعدد باصلاحیت کھلاڑیوں کو شارٹ لسٹ بھی کیا۔

منتخب ہونے والے نوجوان کھلاڑیوں کا کہنا ہے کہ کراچی کنگز نے ٹیلنٹ دکھانے کیلئے ہمیں بہترین پلیٹ فارم فراہم کیا ہے۔


مزید پڑھیں: نئے ٹیلنٹ کی تلاش کراچی کنگز میرپورخاص پہنچ گئی


واضح رہے کہ نواب شاہ کے بعد پانچویں مرحلے میں ٹرائلز چار دسمبر کو سکھر میں کے جنرل پی سی بی کرکٹ گراونڈ میں ہوں گے، جبکہ فائنل ٹرائل نیشنل اسٹیڈیم کراچی میں 10 سے 13 دسمبر تک منعقد ہوں گے۔

Print Friendly, PDF & Email

Comments

comments

یہ بھی پڑھیں