The news is by your side.

Advertisement

نئے ٹیلنٹ کی تلاش کراچی کنگز میرپورخاص پہنچ گئی

میرپورخاص: کراچی کنگز کے ٹیلنٹ ہنٹ پروگرام ’کھلاڑی کی کھوج‘ کے دوسرے فیز کا میرپورخاص میں انعقاد کیا گیا۔

تفصیلات کے مطابق کراچی کنگز کھلاڑی کی کھوج کا حیدرآباد کے بعد میرپورخاص میں انعقاد کیا گیا، 16 سے 23 سالہ کھلاڑیوں نے اپنی صلاحیتوں کے جوہر دکھائے۔

میرپورخاص میں کھلاڑیوں کے ٹرائلز دو روز تک جاری رہیں گے جس کے بعد ایونٹ کا تیسرا فیز عمر کوٹ میں منعقد کیا جائے گا۔

ٹیلنٹ ہنٹ پروگرام سندھ کے مختلف شہروں نوابشاہ، سکھر، لاڑکانہ اور دادو میں بھی منعقد ہوگا جبکہ فائنل ٹرائل نیشنل اسٹیڈیم کراچی میں 10 سے 13 دسمبر تک ہوں گے۔

قبل ازیں نیاز اسٹیڈیم حیدرآباد میں ہونے والے ٹرائلز کے دوسرے روز بھی باصلاحیت کھلاڑیوں کے درمیان کانٹے دار مقابلہ رہا تھا، کوچز نے بھی کراچی کنگز ٹیلنٹ ہنٹ پروگرام کا اہم پلیٹ فارم قرار دیا۔

منتخب ہونے والے کھلاڑیوں کو پاکستان سپر لیگ کے تیسرے ایڈیشن میں ملک کے نامور کھلاڑیوں کے ساتھ کھیلنے کے مواقع میسر آٗئیں گے۔

یہ پڑھیں: کراچی کنگز: حیدرآباد میں کھلاڑی کی کھوج کا پہلا مرحلہ مکمل

واضح رہے کہ پاکستان سپر لیگ کے تیسرے ایڈیشن میں کراچی کنگز کی جانب سے عماد وسیم کو کپتان مقرر کیا گیا ہے۔

Print Friendly, PDF & Email

Comments

comments

یہ بھی پڑھیں