کراچی میں قبضہ مافیا کے کارندوں نے حاملہ خاتون کو تشدد کا نشانہ بنا ڈالا۔
اے آر وائی نیوز کے مطابق کراچی کے علاقے سرجانی ٹاؤن میں متاثرہ خاتون اپنا پلاٹ دیکھنے گئی جہاں قبضہ مافیا کے کارندے تعمیرات کررہے تھے۔
قبضہ مافیا کے کارندوں نے خاتون سے پلاٹ پر آنے کی وجہ پوچھی اور پھر تشدد شروع کردیا۔
ویڈیو میں قبضہ مافیا کے کارندوں کو خاتون کو تھپڑ مارتے دیکھا جاسکتا ہے۔
پولیس کا کہنا ہے کہ کسی خاتون کی جانب سے واقعے کی کوئی شکایت درج نہیں کروائی گئی ہے۔
ذرائع کا کہنا ہے کہ قبضہ مافیا کے کارندوں نے خواتین کو بھی اپنے ساتھ شامل کیا ہوتا ہے اور وہ بہت منظم طریقے سے قبضہ کرتے ہیں۔
متاثرہ خاتون سے رابطہ کرنے کی کوشش کی گئی لیکن ان سے کوئی بات نہیں ہوسکی۔
Comments
- Advertisement -
